Прва crowdfunding конференција во Македонија

Алтернативниот модел на групно финансирање (crowdfunding) не е бунар за исполнување желби, но е дефинитнивно иднината на финансирањето, е заклучокот од Првата crowdfunding конференција која се одржа на 11.03.2017 година во хотел Континентал, во организација на Здружението Лидери за едукација, активизам и развој Скопје и на која присуствуваа повеќе од 120 луѓе од земјава, од различна возраст.

17240262_398224720557825_7577320598371882070_o

Цента на оваа конференција беше да ги запознае граѓаните од Македонија со концептот на crowdfunding, како алтернативен начин на финансирање на проекти и идеи, како и да понуди вештини за спроведување на crowdfunding кампањи.

Конференцијата ја отворија претставници на Здружението, кои накратко ја претставија целта на конференцијата и го презентираа првиот водич за спроведување на crowdfunding кампањи, изработен нивна страна, во соработка со тимот на Final Frontier Games.

17156094_398223590557938_5547091973650457386_nКако прв говорник, честа да ја отвори конференцијата ја имаше Ивана Крстевска, еден од основачите на Final Frontier Games, компанија за креирање на друштвени игри, која во 2016 ја спроведе најуспешната crowdfunding кампања од Македонија. Ивана напомена дека да се спроведува да се работи на crowdfunding проект е исто како и било која друга работа, било кој друг бизнис. Не секој проект завршува успешно. Бара посветеност и темелност. Кај crowdfunding кампањите, идеиите не треба да бидат случајни, туку комплетно испланирани.

„Crowdfunding-от налага одредени одлуки, кои мора цврсто и решително да ги донесете и од нив нема отстапки. Ваквите одлуки се однесуваат на изборот на најдобрата платформа, сумата на пари која ви е потребна и детален план за сите чекори од кампањата. Луѓето се скептични и мора да се убедат дека нивните пари одат на сигурно место!“, дополни Ивана.

17218730_398231277223836_1098471850948107191_o

По Ивана, подиумот го презеде Лука Пишкорич, основач на Полигон- креативен центар од Словенија, кој е исто така дел од тимот на иницијативата „Slovenia Crowdfunding“. Лука ја посочи важноста од искористување на капацитетите на локалните заедници, осбено капацитетите на младите креативци, за успешно спроведување на една crowdfunding кампања.

„На локално ниво постојат голем број креативци кои можат да придонесат за вашата кампања. Искористете ги нив бидејќи со тоа истите ги вклучувате, придонесувате за заедницата, но и за успехот на вашата кампања“, посочи Лука.

17202804_398224177224546_1812416809159523655_nМарко Греговиќ, основач на Бродото- агенција за социјален импакт, специјализирана за кампањи, дизајн и медија, воедно и организатори на годишната Zagreb Crowdfunding Convention, во својот говор потенцираше дека crowdfunding пазарот е отворен за секаков вид на идеи, од патувања, до идеи за започнување бизнис. За да се започне кампања не се потребни идеални услови и многу средства, напомена Марко.

„Се што ти е потребно за една кампања е добра идеја, добар тим, персонален компјутер, телефон и интернет. Тоа е се!“, наведе Марко Греговиќ.

Последниот говорник на конференцијата, Сем Вакнин, економски аналитичар и коментатор, поранешен брокер, инвеститор, банкар и финансиски советник на влади и корпорации низ светот, ја потенцираше важноста од тимска работа и соработка со што е можно поголема група на луѓе при спроведување на crowdfunding кампања.

„Здружете се во тим и остварете партнерство со други луѓе. 17201164_398225343891096_7905447401426623751_nКолку е поголем тимот, толку е поголема шансата за да остварите успешна crowdfunding кампања“, порача Сем.

Во вториот дел од конференцијата, присутните имаа можност да учествуваат на една од четирите работилници и да ги зајакнат своите капацитети за различни сегменти од процесот на спроведување на crowdfunding кампањи, односно за тоа како да ги мотивираш и задржиш своите поддржувачи, насоки за успешна кампања, насоки за комуникациска стратегија и важноста од вмрежувањето и контактите.

Последниот дел од конференцијата беше наменет за презентација на тимовите, избрани преку отворен повик, кој ќе добијат можност, преку работни средби, да развијат свои crowdfunding кампањи и да ги пласираат истите на некоја од постоечките интернет платформи и да соберат финансиски средства за реализирање на своите идеи.

Искрено се надеваме дека оваа конфренција успеа да ги запознае присутните со концептот на crowdfunding и ги охрабри да започнат со планирање на своите crowdfunding кампањи за реализација на идеите кои тлеат во нив, без разлика дали станува збор за бизнис или општествено корисна идеја. 

Конференцијата беше организирана во рамки на проектот „Одржливост преку алнтернативни начини на финасирање“, имплементиран од Здружение Лидери за едукација, активизам и развој, во партнерство со Final Frontier Games, поддржан од Фондацијата за интернет и општество Метаморфозис во рамки на проектот „Отчетност преку граѓански ангажман“ со поддршка на Британска амбасада Скопје.