Митови за кариерата – Разоткривање на кариерните заблуди
Кога размислуваш за својата кариера, можеби веќе си слушнал/а различни тврдења за тоа што е „правилен“ избор, како треба да се гради успех и што значи добра кариера. Некои од овие верувања се митови што можат да создадат погрешни очекувања или да те ограничат во размислувањето за идните можности. Важно е да ги препознаеш и да размислуваш критички за твоите избори, наместо да се водиш според погрешни претпоставки.
Најчестите кариерни митови и заблуди што можат да ти попречат:
  • Кариерниот избор се прави еднаш и ја одредува кариерата за цел живот.
  • Успешната кариера значи висока заработка.
  • Само одредени професии се престижни.
  • Треба да знаеш што сакаш да работиш уште во средно училиште.
  • Единствениот начин да успееш е да завршиш факултет.
  • Сите работат само за плата, не за уживање.
  • Само оние со врски можат да успеат.
  • Мажите и жените се подобри во одредени професии по природа.
  • Квалитетна кариера може да се изгради само во развиени земји, надвор од Македонија.
  • Ако смениш кариера, значи дека си неуспешен.
Каде да побараш дополнителна поддршка?
  • Посети го училишниот кариерен центар – ако твоето училиште има ваков центар, можеш да добиеш насоки и корисни информации за твоите можности.
  • Разговарај со родители и пријатели – нивното мислење и поддршка може да ти помогнат да согледаш нови перспективи.
  • Побарај помош од кариерен советник – професионален советник може да ти помогне да направиш детална анализа на твоите можности и да поставиш план за иднината. Еве каде можеш да најдеш професионални кариерни советници www.ask.org.mk
  • Вклучи се во дополнителни активности – волонтирање, стажирање, учество во младински програми може да ти помогнат да стекнеш нови вештини и да ги откриеш твоите вистински интереси.
Запомни, кариерата не е нешто што се случува само по себе – ти имаш моќ да избираш и да ја градиш најдобрата патека за тебе! 😊
Клучни препораки за кариера
  • Кариерата нема почеток и крај. Започнува од раѓање и не завршува до крајот на животот.
  • Кариерата е уникатна како и што си ти! Таа е збир од твои лични одлуки кои ги носиш во текот на животот
  • Ти имаш право да ја избереш најдобрата патека за тебе!
  • Единствената грешка е да не правиш ништо! Нема лоша работа, нема непотребно знаење
  • Не е важно колку пати ќе се сопнеш/паднеш, туку како ќе стануваш за да продолжиш
  • Препреките се неминовен дел од личниот раст. Препреката=предизвик, а искуството=лекција
  • Ако знаеш кон кое пристаниште пловиш, секој ветер е поволен
  • Од камењата кои ти стојат на патот можеш да иградиш мост кој ќе те одведе до крајната цел.
  • Времето е најзначајниот ресурс, користи го за работи кои ќе те донесат чекор поблиску до посакуваната цел.
  • Најдобриот план кога не е напишан е пуста желба
  • Кариерниот план ќе се менува и расте заедно со тебе
  • Бродот е најбезбеден во пристаниште но не е создаден за тоа!
  • Ако добро се познаваш себе си, ќе можеш да направиш добар кариерен избор
  • Никој не може да изгради кариера сам. Покажи им на другите како да ти помогнат.