ПОВИК ЗА АНГАЖМАН НА ЕКСПЕРТ ЗА ИЗРАБОТКА НА ТРЕНИНГ ПРОГРАМА ЗА ФАСИЛИТАЦИЈА

Здружението Лидери за едукација, активизам и развој (LEAD) објавува повик за ангажирање експерт за изработка на тренинг програма за фасилитација. Програмата ќе се користи за тридневна обука на млади луѓе кои ќе се обучат за идни фасилитатори во едукативни, активистички и младински процеси.

Контекст:

LEAD е организација која креира и реализира програми за личен и граѓански развој на млади луѓе, наставници и образовни институции. Нашата работа се базира на вредности како соработка, учество, одржливост и активно граѓанство. Со цел да ги прошириме нашите капацитети за младинска фасилитација, сакаме да обезбедиме квалитетна и применлива обука за млади фасилитатори.

Цел на ангажманот:

Ангажираниот експерт ќе има задача да изработи комплетна тридневна тренинг програма за фасилитација, со јасни цели, содржини, методологија, времетраење по сесија и инструкции за реализација. Програмата треба да биде применлива и интерактивна, насочена кон млади луѓе од 18 до 30 години, кои имаат интерес да станат фасилитатори во младински или образовни програми.

Опсег на работа:

1. Анализа на потребите и профилот на целната група.
2. Развој на структурирана 3-дневна тренинг програма, која ќе содржи:

• Јасно дефинирани цели и исходи по ден и по сесија.
• Содржина и активности за секоја сесија.
• Методологија и алатки за учење преку искуство.
• Инструкции за реализација (водич за обучувач/фасилитатор).

1. Подготовка на агенда и логистички предлози за реализација на обуката.
2. Изработка на пакет материјали за учесници (прирачник, работни листови, итн.).
3. Предлог за методологија за евалуација на стекнатите вештини по завршување на обуката.

Специфични работни резултати

1. Комплетна тридневна програма за обука на фасилитатори (во Word или PDF формат).
2. Инструктивен водич за обучувачи/тренери, со јасни насоки за реализација.
3. Форми за евалуација – алатки за мерење на постигнатите резултати кај учесниците.

Времетраење:

Ангажманот се очекува да трае до 10 работни дена, во период од 10 април до 30 април 2025 година.

Критериуми за избор:

• Искуство: Најмалку 5 години искуство во развој и спроведување на обуки за млади и подготовка на едукативни програми и/или фасилитирање- 30 ПОЕНИ
• Образование: Високо образование во област поврзана со образование, психологија, младинска работа или слично- 15 ПОЕНИ
• Релевантни компетенции: Познавање на неформално образование и учење преку искуство и одлични комуникациски и пишани вештини- 15 ПОЕНИ
• Финансиска понуда- 40 ПОЕНИ

Процес на аплицирање:

Се молат заинтересираните кандидати да го достават следново:

• Кратка биографија (CV) со релевантно искуство.
• Писмо со интерес (до 1 страница) со краток осврт на пристапот кон изработката на програмата.
• Пример(и) од претходно подготвени или реализирани обуки (ако е достапно).
• Финансиска понуда според работни денови.

Краен рок за поднесување на понудите е 18 април 2025 година. Документите треба да се испратат на следната e-mail адреса: info@lead.org.mk со назнака** „Апликација за маркетинг експерт_Име и презиме“**

Оваа активност се спродува во рамки на проектот „LEADing Forward: зајакнување на капацитетите за одржлив развој“. Проектот е поддржан со оперативен грант на регионалниот проект СМАРТ Балкан - Граѓанското општество за поврзан Западен Балкан, кој го спроведуваат Centar za promociju civilnog društva (CPCD) од Босна и Херцеговина, Центарот за истражување и креирање политики (ЦИКП) од Северна Македонија и Институтот за демократија и Медијација (ИДМ) од Албанија, а финансиски е поддржан од Министерството за надворешни работи на Кралството Норвешка