ПОВИК ЗА ЕКСПЕРТ ЗА ИЗРАБОТКА НА ПРИРАЧНИК

Здружението LEAD во рамки на проектот „Кога учениците одлучуваат“, имплементиран со финансиска поддршка од Совет на Европа преку Европска младинска фондација, ќе реализира 2 симулации во 4 училишта за процесот кој се спроведува во училиштата при носење на одлуки. Проектот има за цел да го унапреди учеството на учениците во процесите на носење одлуки во средните училишта.

Симулациите ќе бидат еднодневни настани каде учениците ќе преземат улоги на училишното раководство и преку процес на дискусија и преговарање ќе носат одлуки кои се од важност за целото училиште, а со цел да ги разберат подобро ингеренциите на училишните служби и да се запознаат со процесот на носење одлуки во училиштето.

За потребите на проектот, објавуваме повик за експерт за избработка на прирачник за реализација на симулацијата. Целта на ангажманот е да се креира програма, во форма на прирачник која ќе вклучува:

• Опис на симулацијата и целите;
• Две централни прашања што треба да се разгледаат за време на симулацијата и за кои ќе треба да се спроведе процес на носење одлука;
• Чекор по чекор објаснување за секоја фаза од симулацијата;
• Развивање на улоги: Прирачникот треба да содржи разработени улоги за најмалку 10 претставници на училишните служби, вклучувајќи директор, заменик директор, педагог, психолог, наставник, родител и ученици. Описот на улогите треба да содржи објаснување на улогата и детален опис на нивните ингеренции кога станува збор за носење на одлуки;
• Формулари и форми потребни за спроведување на симулацијата;
• Совети за наставниците и учениците за спроведување на симулацијата.

КРИТЕРИУМИТЕ ЗА ИЗБОР НА ЕКСПЕРТ

• Најмалку шестгодишно искуство во областа на образовниот развој за млади, со фокус на дизајнирање и имплементација на програми, прирачници и симулации;
• Докажани вештини за подготовка на извештаи за квалитет
• Пожелно е претходно искуство во работа со меѓународни организации
• Добри познавање на англиски јазик
• Способност за креативен пристап и развој модели и да се предлагаат нови пристапи

ЗАДАЧИ

• Да го води и координира процесот за развој на прирачникот
• Да одржува редовна координација со координаторот на програмата
• Да развие прирачник која треба да ги вклучува компонентите опишани погоре
• Да креира работна агенда за спроведување на симулацијата
• Да подготви завршен извештај за својата работа

ВРЕМЕТРАЕЊЕ НА АНГАЖМАНОТ

Ангажманот се очекува да започне на 01.12.2024, а да заврши на 15.12.2024

ИНТЕЛЕКТУАЛНА СОПСТВЕНОСТ

Сите резултати произведени во оваа акција ќе останат во сопственост на LEAD кои ќе имаат ексклузивни права на нивната употреба.

ПЛАЌАЊЕ

Плаќањето ќе се изврши еднократно по доставување на финалниот продукт и неговор одобрување од страна на LEAD

ПРОЦЕС НА СЕЛЕКЦИЈА

Критериумите за оценување се следни:

• Искуство и референци: 50 поени
• Финансиски предлог: 50 поени

Краен рок за пријавување е 25 ноември 2024 години со испраќање на официјална понуда на следната е-мејл адреса: nvolead@gmail.com. Понудите треба да содржат CV и финансиска понуда.