Повик за млади: Вклучи се во консултативни сесии за климатски акции на Македонија

Дали сакаш твојот глас да се слушне во креирањето на иднината? Дали веруваш дека младите можат да бидат двигатели на промената?

Биди дел од Националните консултативни сесии преку кои младите ќе можат да влијаат врз климатските политики на Македонија! Во соработка со канцеларијата на УНИЦЕФ организираме четири консултативни средби со млади преку кои ќе имаш можност да споделиш кои сметаш дека треба да бидат приоритети на нашата држава кога станува збор за справување со последиците од климатските промени.

Зошто да учествуваш?

• Ќе дознаеш повеќе за Парискиот договор и што значат Национално утврдените придонеси за Македонија.
• Ќе се запознаеш со примери и решенија од други земји.
• Ќе работиш во тимови преку интерактивни методи и работилници.
• Ќе имаш можност да предложиш конкретни идеи и мерки за нашата земја.
• Твоите препораки директно ќе влијаат врз националните климатски политики!

Кога и каде ќе се одржат консултативните настани?

Ќе се одржат вкупно 4 консултативни настани, со учество на вкупно 200 млади од целата држава:

• Битола (Europe House): 16.10.2025
• Струмица (Europe House): 20.10.2025
• Тетово (Europe House): 22.10.2025
• Скопје (Europe House): 29.10.2025

Секој настан ќе трае од 10:00 до 17:00 часот и ќе вклучува интерактивни работилници, групни дискусии и заедничко креирање на препораки. За време на настанот за учесниците ќе биде обезбедено храна и освежување.

За младите кои ќе отсуствуваат од настава поради учество на настано, ќе биде обезбедено оправдување

Кој може да учествува?

• Млади на возраст од 15 до 29 години
• Ученици, студенти, активисти, млади професионалци и сите други млади заинтересирани за климатски промени и одржлив развој
• Не е потребно претходно искуство, доволна е твојата желба и енергија

*За учесниците од околните градови кои ќе земат учество на една од четирите настани, ќе бидат рефундирани патните трошоци за учество.

Како да се пријавиш?

• Пополни ја кратката ФОРМА ЗА ПРИЈАВА.
• Избери го градот во кој сакаш да присуствуваш.
• Биди подготвен да се вклучиш активно и да дадеш свои идеи.

Што се Национално утврдени придонеси (Nationally Determined Contributions- NDCs)

Национално утврдени придонеси се конкретни планови и цели што секоја држава ги поставува за да придонесе во глобалната борба против климатските промени, во рамките на Парискиот договор. Со нив се дефинираат мерки за намалување на емисиите на штетни гасови и активности за прилагодување кон климатските промени. Овие цели и мерки претставуваат „патоказ“ кој покажува колку и на кој начин една земја ќе придонесе за заедничката цел: поодржлива и поздрава планета. Тоа значи дека секој предлог, идеја или иницијатива што доаѓа од младите може да стане дел од националната визија за зелена иднина.

Младите се носители на промената, а ова е твојата шанса да влијаеш на иднината на нашата земја, но и на иднината на нашата планета!