ПОВИК ЗА НАСТАВНИЦИ И УЧИЛИШТА - Програма за користење на друштвената игра „Изборологија“ за предавање теми поврзани со граѓанинот, државата и политичкиот систем

Доколку…

→ си наставник во средно училиште

→ сакаш да научиш нов пристап за едукација преку друштвени игри

→ имаш мотивација за подобрување на граѓанското образование кај твоите ученици

→ сакаш да го вклучиш училиштето и учениците во национален турнир

Аплицирај за учество на програмата за користење на друштвената игра „Изборологија“ која е наменета за подобрување на знаењата на младите за државата и политичкиот систем.

Друштвената игра „Изборологија“ е препознаена како дополнително наставно помагало, одобрено од страна на Министерството за образование и наука.

Од што се содржи програмата?

1. Три тричасовни онлајн обуки на 19, 20 и 21 март.

Обуките имаат за цел да ги подготват наставниците да ја користат друштвената игра за политичка едукација „Изборологија“, да можат да вршат едукации за истата и да ја користат како наставно помагало.

2. Спроведување на една сесија со група ученици од училиштето каде што ученици ќе ја играат играта по ваши инструкции.

Сесијата треба да се спроведе помеѓу 24 март и 5 април 2025. За сесијата имаме подготвено материјали кои ќе ви помогнат во нејзиното спроведување. Единствен услов е секој ученик на сесијата да има пристап до посебен уред, лаптоп или компјутер, и интернет пристап. Тоа значи дека или во училиштето треба да има просторија со оспособени компјутери и интернет пристап (на пр. кабинет по информатика), или пак секој ученик да има свој лаптоп.

3. Национален турнир во Изборологија во април 2025.

Сите наставници кои што ќе ги комплетираат обуките и ќе спроведат сесии ќе имаат можност да подготват 10 ученика кои ќе учествуваат на национален турнир. Турнирот се одвива онлајн. Единствен услов за избор на десетте ученика е тие да учат во трета или четврта година.

Што може да очекувате:

• Да се запознаете со придобивките од користењето на игри во наставата со ученици;
• Да научите како да ја користите друштвената игра за политичка едукација „Изборологија“
• Да ја испробате друштвената игра „Изборологија“ во вашата работа со учениците;
• Да добиете финансиски надомест за спроведените едукации со ученици користејќи ја играта „Изборологија“;
• Да добиете сертификат за учество на обуката.

Кој може да земе учество на обуката:

• Наставници од средни училишта кои имаат интерес и мотивација да го подобрат знаењето за граѓанска и политичка едукација кај учениците;
• Наставници кои се во можност да учествуваат на сите три онлајн обуки;
• Наставници кои ќе се обврзат да спроведат најмалку една сесија користејќи ја друштвената игра за политичка едукација „Изборологија“ во своите училишта.

*Предност при изборот ќе имаат наставници кои во своите предмети има теми поврзани со демократија, граѓанин и држава.

Кои се наградите?

• За наставниците кои ќе учествуваат на целокупната обука и ќе ги спроведат најмалку една сесија користејќи ја играта „Изборологија“ и ќе учестувуваат на нациналниот турнир со 10 ученика од училиштето следува паричен надомест во износ од 3000 денари.
• За тимот на училиштето кој ќе победи на националниот турнир следува награда од 10.000 МКД за самото училиште.

Придружете ни се во трансформирањето на начинот на кој ги едуцираме денешните генерации на ученици и заедно да го ја направиме граѓанската и политичка едукација забавно и поттикнувачко искуство.

Пријавете се за учество со пополнување на апликациската форма достапна на СЛЕДНИОВ ЛИНК, најдоцна до 07.03.2025 година.

Што е Изборологија?

„Изборологија“ е прва он-лајн друштвена игра за политичка едукација во нашата земја и дополнително едукативно помагало одобрено од страна на Министерството за образование и наука. Преку играта корисниците имаат можност поблиску да се запознаат со политичкиот систем, да разберете како функционира парламентарната демократија, како се спроведуваат изборите за пратеници во Собранието и на кој начин политичките партии учествуваат во парламентарните избори во нашата земја. Играта има едукативен, но и забавен карактер, со кој можете да ги претворите вашите часови во уникатно образовно искуство за вашите ученици.

Играта е дизајнирана на начин што овозможува да се одигра за еден училишен час од 45 минути.

Изборологија е друштвена игра која е развиена од страна на здружението ЛЕАД и Фондацијата Конрад Аденауер.