Thirrje për të rinjtë: Bashkohu në sesionet konsultative për veprimet klimatike në Maqedoni

A dëshiron që zëri yt të dëgjohet në formësimin e së ardhmes? A beson se të rinjtë mund të jenë forca që sjell ndryshim?

Bëhu pjesë e Sesioneve Kombëtare Konsultative përmes të cilave të rinjtë do të mund të ndikojnë në politikat klimatike të Maqedonisë! Në bashkëpunim me zyrën e UNICEF-it organizojmë katër takime konsultative me të rinjtë, ku do të kesh mundësi të ndash mendimin tënd për prioritetet që vendi ynë duhet të ketë në përballjen me pasojat e ndryshimeve klimatike.

Pse të marrësh pjesë?

• Do të mësosh më shumë për Marrëveshjen e Parisit dhe çfarë nënkuptojnë Kontributet e Përcaktuara Kombëtare për Maqedoninë.
• Do të njiresh me shembuj dhe zgjidhje nga vende të tjera.
• Do të punosh në ekipe përmes metodave interaktive dhe punëtorive.
• Do të kesh mundësi të propozosht ide dhe masa konkrete për vendin tonë.
• Rekomandimet e tua do të ndikojnë drejtpërdrejt në politikat klimatike kombëtare!

Kur dhe ku do të zhvillohen ngjarjet konsultative?

Do të mbahen gjithsej 4 ngjarje konsultative, me pjesëmarrjen e rreth 200 të rinjve nga i gjithë vendi:

Bitola (Europe House): 16.10.2025

Strumicë (Europe House): 20.10.2025

Tetovë (Europe House): 22.10.2025

Shkup (Europe House): 29.10.2025

Çdo ngjarje do të zgjasë nga ora 10:00 deri në 17:00 dhe do të përfshijë punëtori interaktive, diskutime në grupe dhe krijim të përbashkët të rekomandimeve. Për pjesëmarrësit do të ofrohen ushqim dhe pije freskuese gjatë ditës.

Për të rinjtë që do të mungojnë në mësim për shkak të pjesëmarrjes në ngjarje, do të sigurohet arsyetim zyrtar.

Kush mund të marrë pjesë?

• Të rinj të moshës 15 deri në 29 vjeç.
• Nxënës, studentë, aktivistë, profesionistë të rinj dhe të gjithë të interesuarit për ndryshimet klimatike dhe zhvillimin e qëndrueshëm.
• Nuk kërkohet përvojë e mëparshme – mjafton dëshira dhe energjia jote!

*Për pjesëmarrësit nga qytetet përreth që do të marrin pjesë në njërën nga katër ngjarjet, do të rimbursohen shpenzimet e udhëtimit.

Si të aplikosh?

• Plotëso Formularin e Shkurtër të Aplikimit.
• Zgjidh qytetin ku dëshiron të marrësh pjesë.
• Ji gati të përfshihesh aktivisht dhe të japësh idetë e tua!

Çfarë janë Kontributet e Përcaktuara Kombëtare (Nationally Determined Contributions – NDCs)?

Kontributet e Përcaktuara Kombëtare janë plane dhe objektiva konkrete që çdo shtet përcakton për të kontribuar në luftën globale kundër ndryshimeve klimatike, në kuadër të Marrëveshjes së Parisit. Ato përcaktojnë masat për reduktimin e emetimeve të gazeve ndotëse dhe aktivitetet për përshtatje ndaj ndryshimeve klimatike. Këto objektiva përbëjnë një “hartë rruge” që tregon se sa dhe në ç’mënyrë një vend do të kontribuojë për qëllimin e përbashkët: një planet më të qëndrueshëm dhe më të shëndetshëm. Kjo do të thotë se çdo propozim, ide apo iniciativë që vjen nga të rinjtë mund të bëhet pjesë e vizionit kombëtar për një të ardhme të gjelbër.

Të rinjtë janë bartësit e ndryshimit – dhe kjo është mundësia jote për të ndikuar në të ardhmen e vendit tonë dhe të planetit tonë! 🌍