Нови 125 наставници инвестираат во себе

„Добриот наставник предава, одличниот наставник инспирира“

125 наставници од 11 средни и 25 основни училишта од 18 града се приклучија кон Клубот за наставниците на LEAD

Инспирирани од потребите и предизвиците со кои се соочуваат наставниците особено во делот на нивна континуирана доедукација и обука, втора година по ред ја реализираме програмата за личен развој на наставници – Клуб за наставници 2022.

Што всушност претставува клубот?

Клубот е замислен како јадро од наставници кои сакаат да ги подобрат состојбите во образованието. Истиот нуди три степени на членство и тоа: основно, напредно и мастер членство.

Секое членство нуди различни содржини кои наставниците ги добиваат низ текот на целата година и тоа:

• Серија од 6 еднодневни обуки
• Пристап до про-верзии на дигитални алатки
• Пристап до база на ресурси и материјали
• Можност за вмрежување и заедничко споделување на информации
• Можност за вклучување во дополнителни активности и проекти
• Индивидуални менторски сесии
• Напредна обука за менторирање
• Напредна обука за обучувачи

Преку овој блог, но и низ серија на следните блогови ќе се обидеме да доловиме каква вредност носи Клубот за наставниците и кое е нивното искуство во целата програма.

Исто така, во текот на годината ќе следат и други различни можности за обуки на наставниците како што се: подготовка на проектни апликации, менторирање на ученици и демократска култура и учество.

А, во моментов имаме активни повици за средни училишта и тоа: најГЛАСни! Награда за средношколско учество

Learning Engagement and Democracy, зајакнување на демократското учество